نكت مصرية قبيحة مضحكة موت 2020

09/06/2020

من أجل نشر قليل من الفرح والبهجة وكل من يحب الفكاهة والنكت اللتي يتم تداولها في الشارع، نعرض لكم نكت مصرية قبيحة جديدة متنوعة طويلة وقصيرة 2020 تموت من الضحك. ستجدون الكثير من نكت مصرية قبيحة متنوعة ومتجددة بإستمرار. مجموعة من نكت نكت مصرية قبيحة التي تحدث في حياتنا اليومية ويتم صياغتها بشكل كوميدى من أجل الضحك.

نكت مصرية قبيحة جديدة متنوعة

واحد بيتقدم لواحدة أبوها طلب منه مهر بـ 50 ألف جنيه، قالوا ليه يا عم الحاج هو أنت حسبت الكيلو بكام.

واحد نام على السرير بالمقلوب، صحي الصبح لقي رجليه معمصة.

الحمار في فرح أسد فقال له الأسد بس أنا معزمتش حمير أيه اللي جابك فرحى، قاله أنا كنت زيك أسد ولما أتجوزت بقيت حمار.

كان فيه مرة سلحفاة دخلت مطعم وطلبت رز، قام الجرسون شلها رماها بره، رجعتله بعد شهر وقالته طب متزقش بس.

واحد رخم نزل الشارع ملقاش حد يرخم عليه قام وقف قدام العمود وقاله عديني.

عشر صعايدة كانوا بيحششوا البوليس كبس عليهم خمسة منهم اتمسكوا وخمسة استخبوا فى عربية البوكس.

واحد صعيدي حب واحدة، راح أتجوز أختها عشان يضمن يشوفها كل يوم.

سألوا واحد محشش مين أهم الشمس ولا القمر رد القمر طبعًا، بيطلع ينور لنا بالليل والدنيا ضلمة، إنما الشمس بتطلع بالنهار والدنيا نور أصلاً.

اتنين مساطيل حبوا يسرقوا عمارة فقالوا لبعض إحنا ناخد العمارة بعيد ونسرقها برحتنا، فقلعوا الهدوم وقعدوا يزقوا فى العمارة يزقوا، جه واحد من وراهم وسرق الهدوم، فواحد منهم بص ورا ملقاش الهدوم فقال له كفاية كدة احنا بعدنا أوى.

محشش يسأل محشش تتوقع الجمعة يوافق آخر الشهر؟ رد عليه لو ضغطنا عليه يمكن يوافق.

واحد ومراته متخانقين فبطلوا يكلموا بعض فكتب ورقة صحيني الساعة 6:30 علشان عندي شغل، وحط الورق على السرير ونام صحي الساعة 10:00 فلقى ورقة مكتوب عليها الساعة 6:30 يلا اصحى.

واحد غبي قال لابن عمه أمريكا طلعت القمر وإحنا لازم نطلع الشمس، فرد عليه بس الشمس حر جدًا، قالتله مفيش مشكلة نطلعها بالليل.

واحدة صعيدية جوزها رماها من الدور الثالث طلعتله وقالتله بلاش الهزار البايخ ده.

مسطول أتجوز صينية قالتله مالك ساكت ليه؟ قالها مش عارف افتكرتك نايمة.

واحد خبطته عربية فأخد تعويض 1000.000جنيه وقام واقف على سكة القطر وفاتح درعاته وقايل تعالالي يا أبو الملايين.

واحد بيستهبل أتجوز واحدة بتستهبل، خلفو واد لما خرج عمل فيها ميت.

ولد بيسأل أبوه هي الحمير بتتجوز؟ قاله يا بني مبيتجوزش أصلاً غير الحمير.

مرة واحدة ست كل أما تقوم من النوم تلاقي وشها مبلول راحت للدكتور قالها أفضلي صاحية لحد أما تصحى و تشوفي وهى كانت نائمة شافت جوزها بيتفرج على التليفزيون ويقول هى دي الستات مش انتِ اتفوه.

ولد بيسأل أبوه هو الحب أعمى رد عليه أبوه بص في وش أمك وأنت تعرف.

مرة القمر كان عايز يتجوز الشمس قالتله أتجوز واحد صايع طول الليل.

واحد عايز يخلص حقه وهو على فراش الموت قال لمراته إذا مت أتجوزي جارنا محمود قلت ليه قالها لأنه مره باعلي بضاعة وغشني فيها.

واحدة وحشة أوي بتقول لجوزها يا راجل مش تصلح شباك الحمام علشان وأنا بستحمه الجيران مايشوفونيش، قالها خليهم يشوفوكي علشان يصلحوه على حسابهم.

مرة واحدة قاعدة مع جوزها في جو رومانسى فالست قالت لجوزها قولي كلمة حلوة قالها بقلاوة قالت له لا كلمة تهزني قال لها مرجيحة قالت لا كلمة تحسسني إني مراتك قال لها أنتي طالق.

محشش سأل صاحبه المحشش إيه اخبار أبوك؟ بعدين افتكر أن أبوه ميت فكمل بسرعة لسه في نفس التربة؟.

واحد معاه عربية قديمة وعاوز يبيعها ومش عارف، فصاحبه قاله حط عليها علامة مرسيدس وهى تتباع فورًا، راح عمل كده بعد أسبوع صاحبه بيسأله بعت العربية ولا لأ، قاله انت عبيط حد يبيع عربية مرسيدس.

ناظر بيقول للأستاذ هو لي كل التلاميذ عندك بينطقوا الجيم دال؟؟ قاله مش عارف هو دا اللي مدنني.

مرة واحد محشش راح مستشفى المجانين ورسم على الحيط عربية، واتنين مجانين قعدوا يتخانقوا على اللي يسوق فضحك المحشش، وسأله الدكتور بتضحك ليه؟ قالوا المفتاح معايا.

غبي وقع أدوله مرهم وقالوله ادهن مكان الإصابة راح دهن السلم.

مره واحد بخيل راح يزور أمه في المستشفى لقى لوحة على الباب مكتوب عليها إدفع قام قايل ربنا يشفيها هبقى أشوفها أما ترجع البيت بقى.

واحد شايل كيس سمك، لقى واحد مسطول قاله لو حزرت في الكيس دا إيه هديك سمكة منه قاله بحر.

مسطول راح لدكتور سنان، قاله الدكتور سنانك عاوزة تقويم، قاله المسطول بسيطة بس قلي هجري ولا ميلادي يا دكتور.

اتنين بلديتنا بيلعبوا شطرنج واحد بيقولوا أنا موت ليك الحصان، قام التاني راح سم له البهايم.

مرة واحدة ست سايقة على الجي بي اس قالها انحرفي قليلاً فقلعت الطرحة.

مرة واحد بخيل قوي جاب تليفون جديد حطه في جيبه اللي ورا، ونسي وقعد على كرسي، راح سامع صوت حاجة بتكسر، قال يارب يبقى العمود الفقري.

واحد صعيدي بيقول لصاحبه أنا بالي مشغول من امبارح، قاله أكيد فيه حد رافع السماعة.

بلديتنا اشترى موبايل سامسونج راح بعت رسالة لخطيبته، متتصليش على النوكيا علشان بيعته.

ﻣﺤﺸﺶ ﺣﺐ يعمل ﺗﺠﺮﺑـة زي ﺍﻟﻌﻠﻤﺎﺀ ﺟﺎﺏ ﺣﻤﺎﻣة ﻭ ﻗﺎﻟﻬﺎ ﻫﺶ ﻃﺎﺭﺕ، ﺍﻟﻴﻮﻡ ﺍﻟﺜﺎﻧﻲ ﺟﺎﺏ ﺣﻤﺎﻣﻪ ﻗﺺ ﺭﻳﺸﻬﺎ ﻭ ﻗﺎﻟﻬﺎ ﻫﺶ ﻫﺶ ﻫﺶ مطارتش ﻛﺘﺐ ﻣﻼﺣﻈﺔ ﻋﻨﺪﻣﺎ ﻧﻘﺺ ﺭﻳﺶ ﺍﻟﺤﻤﺎﻣﺔ ﻓﺄﻧﻬﺎ ﻻ ﺗﺴﻤﻊ.

مره ولد بيقول لأبوه أنا عايز أكمل دراستي بره رد أبوه وقاله خلي أمك تفرش لك في الصالة.


شاهد أيضًا :